Euskal Encounter 29 balantze oso positiboarekin amaitu da gaur. Lau egunez dozenaka jolas, lehiaketa eta prestakuntza jarduerez gozatu ondoren, 540 partaideek erakutsitako konpromiso handiagatik pozik agertu da antolakuntza; izan ere, haien inplikazioarekin, ekitaldia arrakastatsua izatea erraztu diete antolatzaileei. Segurtasunaren aldeko apustua izan da hitzorduaren lehentasun nagusietariko bat; izan ere, covid-aren aurkako protokolo zorrotza izan du, pabiloi erraldoiek, aireztapenak eta edukiera murriztuak lagunduta. Edizio honetan, azken urteekin alderatuta, %10era mugatu da partaidetza pertsonen arteko distantziamendua bermatu ahal izateko.

Covid-19an aditu diren bi zientzia-dibulgatzailek teknologiak pandemiaren aurkako borrokan izan dituen aplikazioen lorpen eta akatsak azaldu dituzte. Euskaltel Fundazioak antolatutako Euskal Encounter topaketan izan dira, besteak beste, Ignacio de Blas, Albaitaritzan doktorea Zaragozako Unibertsitatean eta Epidemiologian aditua, eta Alfredo Corell, Immunologoa eta Valladolideko Unibertsitateko katedratikoa. Pandemiaren testuinguruan, zientziaren arrakasta nagusiak izan dira, hizlarien esanetan, birusaren karakterizazio genetikoa lortzea eta txertoak denbora errekorrean garatzea, baina informazioa zabaltzerako garaian egin diren akatsez kexatu dira eta Radar Covid aplikazioaren porrota aipatu dute.

Kriptodiruan inbertsiorik egin aurretik behar bezala informatzearen garrantzia aztertu dute Euskal Encounter topaketan. Bitcoin edo antzeko monetek etekin handiak lortu nahi dituzten pertsona asko erakarri dituzte, gero eta errazago lor baitaitezke. Baina adituek ohartarazi dute oso arriskutsua dela espekulatzea ezagutza nahikorik ez duenarentzat

Gaur hasi da 29. Euskal Encounter topaketa teknologikoa, Estatuan gauzatuko den gisa honetako lehen bilkura, pandemiaren ondorioz horrelako ekitaldiak eten egin behar izan baitira. Segurtasuna bermatzea izango da, noski, euskal lanpartyaren lehentasuna, eta koronabirusaren aurkako protokolo zorrotza izango da horretarako: pabiloien tamaina handiak, aireztapenak eta edukiera murriztuak lagungarriak izango dira. Hain zuzen, partaidetza nabarmen txikiagotu da, aurreko urteetako zifraren %10era, distantziak mantendu ahal izateko.

Teknologia berrien zaleak elkartzen dituen Euskal Encounter topaketa, Euskaltel Fundazioak antolatua, BECera itzuliko da uztailaren 22 eta 25 artean. Hala, formatu presentzialera bueltatuko den gisa honetako lehen topaketa izango da Estatuan, eta koronabirusaren aurkako segurtasun neurri zorrotzenekin gauzatuko da, baita ohiko edukieraren murrizketa handiarekin ere, % 10era mugatu baitute partaidetza.

• Estatuko lanparty urtetsuena formatu presentzialean egingo da berriro, uztailaren 22tik 25era, baina parte-hartzea nabarmen mugatua izango da, Covid-19aren aurkako segurtasun-neurriak zorrotz bete ahal izateko.
• Opengunea, publikoari irekitako stand eta hitzaldien atala, online egingo da, eta gai espezifikoei zein interes orokorrekoei buruzko hitzaldiak eta doako tailerrak eskainiko ditu.
• Sormen digitalarekin, hardwarearekin, software librearekin eta bideo-jokoekin lotutako dozenaka jarduera eta lehiaketa hartuko ditu bilkurak, eta parte-hartzaileen artean ikaskuntza eta ezagutza-trukea sustatuko ditu.
• Euskaltel Fundazioak antolatu du topaketa, Eusko Jaurlaritzaren (SPRIren bitartez) eta Euskaltelen babesarekin.]]> press@euskalencounter.org (infotres) Albisteak Wed, 14 Jul 2021 10:12:27 +0000