Euskal Encounter BEC-era itzuliko da partaidetza murriztuarekin

  • Estatuko lanparty urtetsuena formatu presentzialean egingo da berriro, uztailaren 22tik 25era, baina parte-hartzea nabarmen mugatua izango da, Covid-19aren aurkako segurtasun-neurriak zorrotz bete ahal izateko.
  • Opengunea, publikoari irekitako stand eta hitzaldien atala, online egingo da, eta gai espezifikoei zein interes orokorrekoei buruzko hitzaldiak eta doako tailerrak eskainiko ditu.
  • Sormen digitalarekin, hardwarearekin, software librearekin eta bideo-jokoekin lotutako dozenaka jarduera eta lehiaketa hartuko ditu bilkurak, eta parte-hartzaileen artean ikaskuntza eta ezagutza-trukea sustatuko ditu.
  • Euskaltel Fundazioak antolatu du topaketa, Eusko Jaurlaritzaren (SPRIren bitartez) eta Euskaltelen babesarekin.
  • Uztailaren 22tik 25era egingo den Euskal Encounter topaketa, Estatuko lanparty urtetsuena, BECera itzuliko da aurten. Urtero milaka lagun biltzen dituen lanpartyak 29. urteurren berezia ospatuko du, eta parte-hartzea nabarmen mugatua izango da Covid-19aren aurkako segurtasun-neurriak zorrotz bete ahal izateko.

    Euskaltel Fundazioak antolatu eta Eusko Jaurlaritzak (SPRIren bitartez) eta Euskaltelek babestutako bilkurak sormen digitalarekin, hardwarearekin, software librearekin eta bideo-jokoekin lotutako dozenaka jarduera eta lehiaketa eskainiko ditu, eta ikaskuntza nahiz ezagutza-trukea sustatuko ditu parte-hartzaileen artean.

    Opengunea, publikoari irekitako stand eta hitzaldien atala, online egingo da, eta gai espezifikoei zein interes orokorrekoei buruzko hitzaldiak eta doako tailerrak izango dira. Hitzaldi horietako asko zuzenean jarraitzeko aukera izango du interesa duen edonork, bai Discord plataformaren bai Youtubeko kanalaren bitartez, eta gai anitz izango dira aztergai: besteak beste, bideo-jokoen diseinatzailearen rola eta sektore horretan ekintzaile izateko gakoak, kriptotxanponen munduan sortzen ari diren iruzur-motak, adimen artifizialaren aplikazioak eta zibersegurtasuna hainbat arlotan.

    Partyaren jarduera gehienak Encounter TV programan eman eta komentatuko dira. Topaketa teknologikoaren azken albisteak jarraitu nahi dituen edonork saioa streaming bidez jarraitzeko aukera izango du Twitch plataformaren bidez.

    Euskal Encounter Euskaltel Fundazioak antolatzen duen Encounter sarearen urteko ekimen nagusia da. Topaketa teknologiko hauen xedea da, hain zuzen, pertsonen, enpresen eta egitasmoen arteko loturak sortu eta bultzatzea, IKT-en testuinguruan.

    Antolatzailea

    Euskaltel Fundazioa
    Euskalamiga Elkartea

    Ahotsa:

    943-533696 (9:00-13:30 eta 15:30-19:30 CET, astelehenetik ostegunera eta 9:00-13:30 ostiraletan)

    IRC auzo ofizialak:

    IRC-Hispano
    #euskal
    QuakeNet
    #euskal

    Edozein galdererako:

    olatz@euskalencounter.org

    Prentsa arduraduna:

    Aitor Ubarretxena. Infotres Comunicación.
    943 22 45 30 / 688 92 90 88
    E-mail: press@euskalencounter.org
     
     
     
     
     

    twitter facebook flickr youtube instagram twitch